Tulay…

(minsan mangahas humakbang upang makarating sa nais patunguhan)

Tatawid sa tulay na nag-uugnay sa dalawang bukid,

Iniisip, kaya kayang lakarin, matibay kaya ang mga lubid?

Pagtingin sa ilalim, nakita ang mga bato at rumaragasang tubig,

Biglang natakot, baka mahulog, balahibo’y napahumindig…

Pwedeng tumakbong palayo, huwag nang tumuloy,

Nangangambang baka mahulog, sa ilalim tuloy-tuloy,

Ngunit ang hanap na liwanag ay nasa kabilang ibayo,

Kailangang maglakad, nanginginig man ang mga buto,

Nilingon ang pinanggalinan, may nakangiting nakatanaw,

Nanghahalinang bumalik, pinatutunog ang batingaw,

Ngunit ang puso at isip ay tila nagtatalo,

Susulong o babalik, sumasakit na ang ulo…

Hinawakan ang lubid, isang kapit na mahigpit,

Habang humahakbang, tulay ay lumalaginit,

Nakapikit ang mga mata, dasal ay hanggang langit,

“Huwag sanang mapatid,  lubid na ako’y nakakapit”…

Unti-unti, lubhang mahirap, hakbang ay pinipilit,

Kailangang lumayo, lumingon huwag umulit,

Umasang sa kabilang ibayo, may yakap na sasalo,

Sa isang nilalang, takot ay mula paa hanggang ulo…

Pagtagumpay sa layong makatawid,

Buntung-hininga, di mapatid-patid,

Nakakawala na sa lugal na madilim,

Nakangiti, nakahinga na rin ng malalim…

Advertisements

About chilledhoney

"INVICTUS" panulat na matalinhaga, panulat na tumatama… ang kaisipan at kahulugan ay napag-iisa…. mga kaisipang minsan ay matindi at maanghang pagkawika, ngunit minsan nama’y payak, humahaplos sa kamalayan, puso at isipan…. at sa aking maikling panahong paikot ikot dito sa harding aking tambayan… oras ay di ko namamalayan… sa mga puna at palagay, ako ay nasisiyahan…. napakasarap pakawalan ang malayang kaisipan….

Posted on July 29, 2012, in DICTATES OF THE HEART, FREE FLOW, KARANASAN. Bookmark the permalink. 2 Comments.

  1. Kaya mo yan. Go go go!!! Lakad lang, saka na lumingon pag nasa dulo na ng tulay! Wew!

just speak your mind

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: