Nabuhol, nasukol…

(I love u tilibert, tilibert, clap ur hands, stomp ur feet, turn around and then go away…. pambihira! hindi pedi, ayan at nabuhol sa tali…)

Sa pagkakatanikala bunga ng sariling gawa,

Hindi makagalaw, ang dati ay pagala-gala,

Parang naikutan ng isang mahiwagang pisi,

Parang lubid na di mawari ang pagkatali…

Para lamang iginisa sa sariling mantika,

O di kaya, lumangoy sa sariling luha,

Mga panukalang nagsilbing mga tanikala,

Nagkabuhul-buhol, susi tila nawawala,

Paminsan sa tigas ng nais at ugali,

May nagagawa tayong di tama, tila mali,

Di sinasadya, napag-isipan man o hindi,

Tadhana’y dumarating nang walang pasubali…

Sa higpit ng bigkis na ngayon ay nakatali,

Nawa’y matanggap na ito’y mananatili,

Ito ay naririyan, bunga nga marahil ng maling gawi,

Kasiyahan man o pagsisisi, ikaw na lamang ay ngumiti …

Advertisements

About chilledhoney

"INVICTUS" panulat na matalinhaga, panulat na tumatama… ang kaisipan at kahulugan ay napag-iisa…. mga kaisipang minsan ay matindi at maanghang pagkawika, ngunit minsan nama’y payak, humahaplos sa kamalayan, puso at isipan…. at sa aking maikling panahong paikot ikot dito sa harding aking tambayan… oras ay di ko namamalayan… sa mga puna at palagay, ako ay nasisiyahan…. napakasarap pakawalan ang malayang kaisipan….

Posted on July 25, 2012, in DICTATES OF THE HEART, FREE FLOW, KARANASAN. Bookmark the permalink. 4 Comments.

  1. hello, kapatid… parang ang bilis mong mag-compose, nakakamangha. 🙂 btw, teka, may pasaway akong observation dineng sana ay di mo mamasamain, ha… ang isang nakikita kong munting pagkukulang sa ‘yong komposisyon ay sa mga salita sa dulo… naiipares mo ang maragsa sa hindi. halimbawa, ang lima ay di maiging itiyap sa salitang kaliwa sapagkat ang kaliwa ay maragsa pag binigkas. ang mga salitang mali at hindi, pwedeng pairs kasi kapwa sila maragsa.

    although madalas naman ay free-flowing ang iyong mga tula, therefore, di istrikto sa rhyming, pwedeng sabihin, yes… but still, poems are usually meant to be read aloud kaya nagma-matter kung paano ang mga taludtod pag ni-recite at pinakinggan na. saka, for the trained poem reader, medyo basa ang attempts to rhyme ng isang may-akda at kita rin pag kinapos o nagkulang. ire naman ay kung nais mo lang na mas paigihin pa ang akda mo. ^^

    if, however, ang objective naman ng author ay makatipa at makapaghayag lang with little consideration as to how the compositions come out, ay sya, kindly treat po as unsolicited advice lang na pwedeng i-recognize or hindi, seryosohin o hindi… yun lamang, kapatid at salamat…. hey, hope things are better now, dear, your side of town… 🙂

    • hihihi, Hello sister dear!!!!

      Actually, noong simula, i was not very particular with the rhymes.

      Nais lamang ilabas ang umaapaw na kaisipan, tumama man o hindi, para sa akin, ok lamang. Katwiran, para sa sarili ko yan at ako ay guminhawa. Bahala na ang iba kung gusto ring makisakay sa aking baybay…

      Ngunit oo nga naman, may iba nga palang nagbabasa ng mga katha, at hindi na lamang ito para sa sarili, ito rin ay nagsasalamin ng mga pangyayari o damdamin ng mga nagbabasang may katulad na karanasan…. o di kaya, sa tulad mong bihasa sa pagsusulat, kaisipan ko ay inaabangan (tulad din ng pag-aabang ko sa iyong mga kaisipan)

      Tunay ngang hirap tumugma kapatid hihihi

      Aaminin ko yan.

      Alam mo kung bakit?

      Kasi nga ako ay may halo halong diyalekto at tono na kinalakhan….

      Hayaan mo at aking babalikan yan. Aayusin…hihihi….

      Isang pasasalamat sa iyong mga paalala at sa mga “corrections”…

      Ako ay napapangiti.

      Batid at tanggap ang kakulangan sis.

      And dont yah worry… am very good at accepting constructive criticisms….

      Kasi hindi ako perfect at alam ko yan, mwaaaaaahhhhhhhh!!!!!

      PS…

      Ako na ay nakangiti sis. Ayown oh 🙂

    • Hayan sis,

      Pakitingnan muli kung ok na…

      Di ako bihasa sa tunog ng mga salita hihihi

      Comment ka uli ha? Nais ko ring maitama ang katha…

    • Naku, maraming salamat naman maestro hihihi,

      Tulad ng laging sinasabi, ang mga katha ay bunsod ng malayang pagdaloy ng mga katagang kumakawala mula sa puso at isipan na magkatipan.

      Kung ano ang unang bugso ay salamin ng damdamin – bawat kataga, bawat talata, bawat barirala… may bagsak man o wala 🙂

      Maraming salamat at ako ay iyong nauunawaan. 🙂

just speak your mind

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: