Sa pagtakbo ng orasan…
Tik tok!
Isang kamay ay may kabagalan,
Ang isa nama’y may kabilisan…
Tik tok!
Takbo nito ay di ko namalayan,
Lumipas, humagibis! Ayan na naman!
Tik tok!
Ano nga ba ang patutunguhan?
Nitong aking buhay at kapalaran?
Tik tok!
Minsa’ y walang laman hapag kainan,
Minsa’y masagana din naman…
Tik tok!
Minsan tao sa paligid, nag-aamuhan,
Minsan, galit
, sa di alam na dahilan…
Tik tok!
Minsa’y nadudurog at nasasaktan,
Minsan nama’y puno ng kaligayahan…
Tik tok!
Nagdiwang ang lahat sa kapanganakan,
Nagluksa din naman sa kamatayan…
Tik tok!
Oo kapatid, takbo ng orasa’y sadyang di mapigilan,
Lahat tayo’y ihahatid sa ating huling hantungan..
Tik tok!
Buhay natin ay sadyang napakaikli,
Sa lahat ng ito, kabutihan ay isukli…
Tik tok!
Pag-iimbot, mula sa puso’y ating iwaksi,
Ligaya’y lilipad, kung lagi tayong mananaghili…
Tik tok! Tik tok!
Orasa’y kumakatok!
Buhay ay kanyang inaalok…
Tik tok! Tik tok!
Iwasan ang sakit sa batok…
Upang hindi agad matigok!
Tik tok!!!!…tik tok!!!
Reblogged this on Chilledhoney's Blog.